ភ្នំពេញ៖ សម្តេចព្រះសង្ឃពីរព្រះអង្គ ត្រូវបានព្រះមហាក្សត្រនៃព្រះរាជាណាចក្រកម្ពុជា ព្រះករុណា ព្រះបាទសម្ដេចព្រះបរមនាថ នរោត្តម សីហមុនី ទ្រង់ចេញព្រះរាជក្រឹត្យប្រោសព្រះរាជទាន ប្រើព្រះរាជសព្ទ និងសិទ្ធិប្រើផ្លិតយសពិសេស ថ្វាយសម្ដេចព្រះមហាសុមេធាធិបតី អំ លឹមហេង សម្ដេចព្រះសង្ឃនាយកនៃគណៈមហានិកាយ និងសម្ដេចព្រះពោធិវ័ង្ស ណយ ច្រឹក សម្ដេចព្រះសង្ឃនាយករងទី១ នៃគណៈមហានិកាយ។ នេះបើតាមព្រះរាជក្រឹត្យលេខ ពរល.២៥០៩.០៦៣ និងព្រះរាជក្រឹត្យលេខ ពរល.២៥០៩.០៦៤ ចុះថ្ងៃទី១០ ខែមករា ឆ្នាំ២០២៥នេះ។

គួររំលឹកផងដែលថា កាលពីថ្ងៃទី០៨ ខែធ្នូ ឆ្នាំ២០២៤ ព្រះមហាក្សត្រ ទ្រង់បានប្រោសព្រះរាជទានដំឡើង និងតែងតាំងព្រះឋានៈសម្ដេចព្រះសង្ឃនាយក នៃគណៈមហានិកាយថ្វាយសម្ដេចព្រះមហាសុមេធាធិបតី អំ លឹមហេង និង ដំឡើង និងតែងតាំងព្រះឋានៈសម្តេចព្រះសង្ឃនាយករងទី១ គណៈមហានិកាយ ថ្វាយសម្ដេចព្រះពោធិវ័ង្ស ណយ ច្រឹក៕